19 Mei 2026

Romeine 1:1-17

Paulus is opgewonde oor die gemeente in Rome.
Hy het hulle, met die skrywe van die brief, nog nie besoek nie.
Dit was die grootste stad in daardie tyd en die middelpunt van alles wat gebeur het en daarom wou Paulus wat vir die heidene in besonder geroep was graag daar uitkom.
Hy begin deur hulle te verduidelik wie hy is en waar sy outoriteit vandaan kom.
Daarna begin hy die krag van die evangelie aan hulle verduidelik wat hy breedvoerig in die boek vir hulle gaan oopbreek.

Hy sluit die inleiding af met n sin wat die Reformasie later (1500 jaar) aan die gang sou sit:
“Want daarin word geopenbaar dat die •geregtigheid van God geheel en al op geloof berus, soos daar geskryf staan: “Die regverdige op grond van geloof sal leef.””
‭‭Romeine‬ ‭1‬:‭17‬ ‭

Here dankie dat ons op grond van geloof in U kan leef en regverdig kan wees!
U is die Lewe!