8 Feb 2026

Habakuk 2:1-20

Die Here antwoord Habakuk op sy klagte en sê dat die profeet dit moet neerskryf sodat ander ook kan sien wat die Here teen die Babiloniërs aankondig.

Alhoewel die Here die Babiloniërs gebruik het om Sy oordeel teen Israel en Juda te volvoer het die Here steeds n weersin in die manier hoe die bose volk te werk gaan.
Die Here sê baie duidelik dat al gaan dit nou goed met Babilon, gaan daar n tyd van rekenskap kom vir hulle plumdering van stede en volke, hulle moorde en diefstal, en hulle misbruik van die natuur.
Die oordeel van die Here word hier vooraf oor die sterkste nasie op aarde aangekondig en hulle uit einde word geprofeteer.

Here ken die begin en die einde! U weet wat die volle verhaal van elkeen van ons se lewens is.
U is die Alfa en Omega!