18 Mei 2026

Esegiël 20:1-49

Die leiers van Israel kom sien vir Esegiël waar hulle almal in ballingskap is.
Hulle wil hê die profeet moet die Here vra om hulle terug te vat Israel toe maar die Here stop hulle.
Hy sê deur Esegiël vir die leiers hoe Israel keer na keer ontrou was aan Hom deur afgode te aanbid vanaf die tyd in Egipte toe Hy hulle daar uit gehaal het tot in met hulle tyd in die beloofde land.
Al het die Here hulle die wet met die Sabbatte gegee om te onderhou het hulle eerder gruwelike dinge gedoen soos om vir afgode hulle kinders te offer.
Die Here sê verder dat Hy hulle sal red op Sy tyd en terug bring Israel toe waneer Hy wil.
Hy sal Sy Naam in ere herstel.

Here dit moes moeilik wees vir Esegiël om te sê wat die mense nie wou hoor nie: help ons om net U Woord te verkondig en nie ons opinies nie.
U is ons Sabbat en die Vuur wat sonde verteer.