21 Okt 2025

Johannes 9:13-41

Die man wat blind gebore was en deur Jesus se wonderwerk genees is getuig van Jesus nog voordat hy Hom met sy eie oë gesien het. Onthou Hy het hom na Siloam gestuur om die modder van spoeg af te was.
Die Jode en godsdienstige leiers ondervra die man en sy ouers toe en hy vertel net die gebeurtenis soos dit was.
Die Joodse leiers twyfel egter in die Here se afkoms omdat die genesing op 'n sabbatdag gebeur het.
Nadat die Jode die nuut genees de man uitskop uit die sinagoge vind Jesus hom en lei Jesus hom tot geloof in Christus!
Nou sien die man eers regtig!
“En Jesus het gesê: “Ter wille van 'n beslissing het Ek na hierdie wêreld gekom, sodat dié wat nie sien nie, kan sien, en dié wat sien, blind kan word.””
‭‭Johannes‬ ‭9‬:‭39‬ ‭AFR20‬‬

Here dankie dat die ware wonderwerk is dat ons wat geestelik blind was nou kan sien!
Ons sien U verlossing en ons sien U Waarheid!
U is ons Geneesheer!