20 Okt 2025

Eksodus 30:1-38

Die Wierook altaar wat voor die Allerheiligste gestaan het en daagliks wierook op geoffer was en een maal 'n jaar bloed op die horings daarvan gesprinkel het, verteenwoordig in Christus ons gebedslewe wat deur die bloed van Jesus daagliks moet gebeur!

Met die sensus van die mense moes elke Israelietiese man 'n halwe shekkel silwer gee as wydingsgeskenk en verlossings geld. Onthou Petrus vang 'n vis met hom en Jesus se shekkel in die vis se mond.
Dit was bedoel dat twee saam betaal aan hul belasting want verhouding was belangrik in die gemeenskap van die Israeliete, en vandag vir ons ook! Kerk en mede gelowiges is baie belangrik!

Ook die Bronswaskom word beskryf en dit dui op ons reiniging voor dat ons die Here ontmoet.
Dit wys ook op ons doop.

Salfolie en wierook se resep en belangrikheid word ook beskryf!
Ons as Nuwe testamentiese gelowiges het die voorreg om die Heilige Gees as salwing te hê en so ons gebede soos wierook voor die Here te bring!

Here dankie dat die skadu van die Ou testament vir ons die kosbaarheid van ons verhouding met U uitwys!
U is Wierook altaar en Waskom wat ons reinig en Heilig maak!