6 Okt 2025

Johannes 8:1-11

Jesus is nog steeds in Jerusalem vir die Loofhutte-fees!
Nou bring godsdienstige Jode 'n vrou wat in owerspel gevang is na Hom toe.
(Waar is die man betrokke by die sonde?)
Jesus weet dat hulle Hom probeer uitvang daarom skryf Hy met Sy vinger in die grond tydens hulle aanklag van haar.
Ons weet nie wat Hy geskryf het nie: Genade!
Hy ontbloot nie die Jode nie maar tog nadat Hy gesê het:
Laat die een wat sonder sonde is die eerste klip gooi.

Hulle het een vir een begin wegloop, stilletjies!
Miskien het hulle iets erken wat Hy op die grond geskryf het.
Was dit dalk name of sondes of wette op hulle sondes van toepassing?

Hy spreek die vrou vry!
Onthou Hy was wel sonder sonde en kon die 1ste klip gooi, maar Hy vergewe en herstel eerder as om te kom veroordeel!

Here dankie want soos daardie leiers en soos daardie vrou is ons ook nie totaal en al onskuldig nie!
Maar U vryspraak deur U Offer wat U namens ons betaal het maak ons skoon en vry!!!
U is ons Offer-Lam!