27 Sep 2025

Johannes 6:16-71

Jesus maak die storm stil toe Hy van oorkant die see van Galilea op die water aangeloop gekom het.
Die skare wat Jesus gevoer het met 2 vissies en 5 brode het Hom gevolg na Kapernaum toe.
Daar het hulle vir Jesus nog brood gevra en of Hy nie soos Moses Manna kon voorsien nie.


“Maar Jesus sê vir hulle: “Ek is die brood wat lewe gee. Wie na My toe kom, sal nooit weer honger kry nie, en wie in My glo, sal nooit weer dors kry nie.”
‭‭JOHANNES‬ ‭6‬:‭35‬ ‭AFR83‬‬

Hulle verstaan en glo dit nie en nog minder toe Jesus verwys na die nagmaal en Sy eie liggaam as die Brood beskryf en Sy Bloed die Wyn wat elke gelowige behoort te eet en te drink.
Die honger-ongelowige Jode dink toe Jesus praat van Kannibalisme!

'n Klomp mense loop toe weg van Hom af!
Sy dissipels bly egter en Petrus verwoord hulle deurmekaar en desperate woorde so:
“Here, na wie toe sal ons gaan? U het die woorde wat ewige lewe gee.”

Verder verwys Jesus toe weer na Judas Iskariot wat Hom sou verraai.

Here dankie vir die nagmaal, 'n tasbare manier om U verlossings werk te ervaar.
U is die Brood van die Lewe, die ware Manna!