25 Aug 2025

Johannes 1:42-51

Die roeping van Natanael is so mooi.
Eers raak Filippus oortuig om 'n dissipel van Jesus te word, dan gaan vertel hy vir sy vriend Natanael hy het die Messias ontmoet!
Natanael is skepties dat iets goeds uit 'n klein en onbenullige plekkie soos Nasaret kan kom, die Messias sou volgens profesie immers uit Bethlehem kom.
Met sy eerste ontmoeting van Jesus sien die Here egter regdeur hom!
Jesus sien sy karakter want net die Here ken die motiewe van ons hart en weet wat binne ons aangaan.
Maar Jesus sien ook sy liefde vir Israel en sy honger na 'n Messias wat weer hul volk sal versoen met die hemel.
Jesus verseker toe vir Natanael dat Hy die Ware Jakob is wat hulle gaan laat beleef hoe hemel en aarde weer mekaar ontmoet!
“En Hy sê vir hom: “Amen, amen, Ek sê vir julle: Julle sal die hemel oop sien en die engele van God wat opstyg en neerdaal op die •Seun van die Mens.””
‭‭Johannes‬ ‭1‬:‭51‬ ‭AFR20‬‬

Here dankie dat U koms vir ons 'n geopende hemel gegee het soos Jakob dit by Betel beleef het omdat U Heilige Gees konstant in ons woon!!
U is die Leer wat hemel en aarde verbind!