25 Februarie 2025

1 Korintiërs 9:1-27

Paulus redeneer met die gemeente van Korinte dat hy hulle geestelik versorg het en aan hulle die evangelie verkondig het en daarom ook deur hulle, soos ander geestelike werkers, finansiële versorging mag ontvang.

“Net so het die Here opdrag gegee dat hulle wat die Goeie Nuus verkondig, versorg moet word deur dié aan wie hulle die Goeie Nuus verkondig.”
‭‭1 KORINTIËRS‬ ‭9‬:‭14‬ ‭NLV‬‬

As ons as pastore of herders dan die gemeente goed versorg geestelik sal dit met hulle ook goed gaan in hul Christelike lewe en kan hulle op hul beurt weer hulle herders fisies versorg.

'n Mooi simbiotiese verhouding wat die Here ingestel het.

Here dankie vir 'n gemeente wat my, Jorrie, Johann en Stass sowel as ons personeel, goed versorg!

Dit is 'n voorreg om herders van die kudde te wees!
U is ons Opper-Herder!