22 Julie 2024

Psalm 23

O Here my Herder!
U lei my na rus
Gee my siel weer lewe!
U is met my!
U voorsien in oorvloed!
U salf my om in U teenwoordigheid te mag wees.

Dawid as herder het ook verstaan dat hy die Herder se skapie is!
Daarom bly hierdie psalm so mooi!
Dis bemoedigend want dit wys die Here se karakter oor ons!

U is ons Herder!

“Die Here sorg vir my soos ’n herder wat sy skape oppas; ek het niks meer nodig nie. Hy gee vir my die heel beste van alles: kos, veiligheid en vrede. Omdat die Here by my is, bekommer ek my nie. Wanneer ek moedeloos word, laat Hy my die lewe weer anders sien. Hy gee my die krag om elke dag reg te lewe. Soos ’n goeie gids lei Hy my elke dag om volgens sy wil te lewe. Almal in my lewe kan sien hoe belangrik God is. Selfs wanneer die lewe vir my so donker word dat ek nie weet watter kant toe nie, sal ek nie bang wees dat probleme my onderkry nie, want U is altyd by my. Dit troos my dat U my lei en beskerm. U laat my veilig voel. Soos ’n gasheer sit U net die beste van die lewe aan my voor; hulle wat nie naby U lewe nie, kan maar net verleë toekyk. U behandel my soos ’n spesiale gas; ek geniet alles in oorvloed. U sal vir my goed wees en my liefhê so lank as wat ek lewe; ek sal naby U lewe tot ek die dag doodgaan.”
‭‭Psalms‬ ‭23‬:‭1‬-‭6‬ ‭DB