15 Julie 2024

Lukas 8: 40-56

Op pad om Jairus se dogter te gaan genees kom ñ onrein en siek vrou en glo dat Jesus die Messias is daarom glo sy Maleagi:
“Maar vir julle wat my Naam vrees, sal die son van geregtigheid opgaan, en daar sal genesing onder sy vleuels wees; en julle sal uittrek en huppel soos kalwers uit die stal.”
‭‭MALEÁGI‬ ‭4‬:‭2‬ ‭AFR53‬‬

Sy raak Jesus se “vleuels” : die tossels van Sy Talit (gebeds-serp) aan in die letterlike verwagting van die profesie dat sy genees sou word!
En sy word genees!
Hy IS die Messias met genesing in Sy vlerke, vleuels, wil of soos ons sal sê genesing in Sy hande!

Jairus se dogter is egter intussen dood!
Dit stop nie vir Jesus nie!
Hy gaan en wys Sy mag oor die dood en roep die dogter uit die dood weer tot lewe!

Here, dankie dat U ons lievdevolle Geneesheer is wat ons tot herstel, tot Shalom roep!
U is ons Dokter!