9 Mei 2024

Rigters 7

22 000 manne was te bang om te veg teen die massiewe groot weermag van die Midianiete!
Gideon stuur hulle huis toe, maar die 10 000 wat oorbly is steeds te veel vir die Here!
Die Here wil Gideon en Israel wys dat dit Hy is wat hulle die oorwinning gee.
Daarom dun hy die soldate verder uit dat net 300 man oor bly.

Nadat Gideon in die Midianiete se laer ñ droom van een van sy vyande hoor en hoor hoe die se vriend dit uitlê, besef Gideon dat die Here die Midianiete in hulle hand gee.

Hy kry sy Gideons-bende van 300 om met bedekte fakkels en ramshorings om die kamp te staan.
Hulle breek saam die kruike en die 300 fakkels en ramshoring roepe laat die vyand so skrik in die middel van die nag dat hulle teen mekaar begin veg en vlug.

Here, dankie vir U bo-natuurlike oorwinnings in ons lewens! Dankie vir onkonvensionele planne wat U ons gee.
U is Uniek en Alwetend!