6 Maart 2024

Deut 25

39 houe was die gebruik van die Jode omdat die een wat die houe gee dalk een meer as 40 kon slaan, en dan moes hy ook 40 houe verduur en daarom was die getal 39.
Dit is moontlik ook die getal houe wat die Romeine Jesus mee gegesel het.

Jy mag nie ñ dier wat werk in die land of op die dorsvloer se mond toemaak nie, dus mag hy vreet van die kos wat hy aan voorberei: dis regverdig!

So was daar wette oor weduwees wat ons in Rut se verhaal sien uitspeel met die sandaal.
Maar, in die hoofstuk vel die Here ñ oordeel oor die Amelakiete!
Hulle het met die Eksodus die swakkes wat agter was aangeval en geplunder.
Nou kondig die Here hulle straf aan en sê dat Israel nie moet vergeet om hulle te straf nie.
Die opdrag van ñ banvloek het op Saul geval.
Hy wis hulle nie heeltemal uit nie en dit kos hom sy koninskap.
Dawid se vroues en kinders lei ook onder die Amelakiete en selfs Haman het van hulle afgestam. Hulle was vyande van Israel deur baie jare.

Here, help ons om ons vyand (satan en elke versoeking wat hy bring) totaal en al te oorwin!!
U is ons Ewige Koning!