24 Desember 2023

Deuteronomium 1

Net voor die volk saam met Joshua in die beloofde land in trek, praat Moses ñ laaste maal met hulle, en lê weer duidelik die wet neer vir hulle om te doen soos wat hy in Eksodus gedoen het.
Moses som in die begin hulle 40 jaar in die woestyn op deur te verduidelik hoekom hulle is waar hulle is na so ñ lang tyd.
Hy verduidelik van die uitog en die verspieders wat reuse gesien het en die ongeloof van die volk.
Ook Joshua en Kaleb se positiewe dapperheid, wat die rede sou wees vir hulle as die enigste 2 wat in Kanaän sou inbeweeg van die wat uit Egipte uit gegaan het.
Die nuwe geslag sou die land binneval en in besit neem, maar moes eers vir die laaste keer die wet hoor by Moses.

“En in die woestyn. Daar het julle gesien dat die Here julle God julle die hele pad wat julle gekom het tot op hierdie plek dra, soos 'n man sy seuntjie dra.’”
‭‭Deuteronomium‬ ‭1‬:‭30

Here, dankie dat U ons dra al weet ons dit nie!
U is die God van ons voorouers!