20 Desember 2023

2 Kronieke 33

In die 25 jaar van koning Manasse se regering het dit eers baie sleg begin (slegter as die Kanaaniete in Moses se tyd, sê die skrywer),
Maar nadat hy gestraf is en met ñ hoek in die neus na Babel weggelei is deur die Assiriërs het hy uiteindelik tot die Here begin roep.
Die Here het hom gered, weer as koning aangestel en Manasse het van daar af die Here gedien.
Hierdie is ñ mooi voorbeeld van ñ radikale bekering na ñ traumatiese ervaring.

Manasse se seun, Amon het egter vir 2 jaar na sy pa se dood regeer, maar hy was boos soos sy pa was toe hy groot geword het.
Hy word vermoor en word vervang met sy seun Josia!

Here, dankie dat U mense tot inkeer laat kom!
Soms is dit deur radikale omstandighede, maar ñ hoek in die neus (pyn) is beter as die ewige hel!
U is die Koning van geslagte!