18 Desember 2023

Matteus 27

Die verhoor en kruisiging van Jesus word beskryf.
Almal het verwag dat Jesus die aardse koning sou word wat weer soos Dawid regeer, dus het hulle teleurstelling in woede oorgeloop hoe meer hulle agterkom het dat Hy nie Homself gaan verset nie!
Daarom skree dieselfde skare wat ñ week vantevore gesing het “Hosanna”, nou “Kruisig Hom”!

Niks wat Jesus toegelaat het om te gebeur was gewoon nie! Ander gekryisigdes was nie ook gewoonlik gegesel nie, en het nie ñ teken dat hulle ñ koning was oor hulle koppe gehang nie, duisternis, vergifnis en grafte wat oopgaan met Sy dood was van die ongewone wat daardie dag gebeur het.
Met Jesus se dood gaan die graf (Sheol) oop, sodat die regverdiges van die paradys na die hemel kan gaan!!
Sy kruisdood was verlossing vir die wat daar geleef het, en vir die wat vooraf geleef het vir Hom en vir elkeen van ons vandag en in die toekoms wat Hom kies as Redder!

Here, dankie vir U kruisdood!
Dankie dat U gekies het om die pyn nie te verdoof nie maar eerder my en eljeen van ons se pyn op U te neem!!
U is waarlik die Seun van God!