06 Desember 2023

Matteus 23

Jesus spreek die geestlike leiers van die tyd aan!
Hy moedig die volk om nog steeds die posisie te eer (stoel van Moses), maar die persone wat korrup, geldgierig en absoluut hoogmoedig is, raai Hy die mense aan om nie hulle voorbeeld te volg nie.

Jesus se optrede staan in skerp kontras met die valse leiers wat met leuens en titels regeer.

Mag ons hieruit leer om mense nie te verhef met titels en allerhande eer wat net God toekom nie!
Al moet ons aan hulle onderdanig wees soos Rom. 13:1 beskryf dat alle outoriteit van die Here af kom, moet ons versigtig wees wie ons as rolmodel vir ons lewe beskou.

Here, dankie vir goeie voorbeelde ook in ons lewens wat sê soos wat Paulus gesê het:
“Volg my soos ek Christus volg!”
Dankie dat ons U liefde kan uitleef deur goed te wees vir ander.

U is ons enigste Vader, Leermeester en Gesalfde!