03 Desember 2023

Matteus 22

Jesus se gelykenisse het ten doel om te wys dat Hy die Paas-Lam sonder gebrek en foute is!
Daarom praat Hy van die Bruilofsfees waarna ons genooi word omdat die Jode, die oorspronklike genooides, nie wou kom nie!
Die kleed van Geregtigheid: ñ verhouding met Jesus gee ons toegang tot die Feeskamer, die Troonkamer van die Here!

Die Fariseërs en Sadduseërs, en selfs Herodiane, probeer Jesus uitvang, maar Hy spreek identiteit aan as Hy sê:
“Gee die keiser wat die keiser toekom en aan God wat Hom toekom!”

Hy spreek ook die Ewige lewe aan as die Sadduseërs dit betwyfel.
Hy som die hele Ou testament op met Liefde:
“Jesus se antwoord was: “‘Jy moet die Here jou God liefhê met jou hele hart en met jou hele siel en met jou hele verstand.’ Die tweede, ewe belangrike opdrag is: ‘Jy moet jou naaste liefhê soos jouself."
‭‭MATTEUS‬ ‭22‬:‭37‬, ‭39‬ ‭NLV‬‬

Daarna bevestig Hy weer Hy is die Messias: die Christus!

Here, dankie dat U slim is!
U het die slimste redenasies uit oorlê!
U is die Seun van Dawid! Die Messias!