22 Augustus 2023

1 Kronieke 22

Dawid kry alles gereed vir die bou van die Tempel deur sy seun Salomo!
Koning Dawid sou nooit sy eie lewensdroom, die Tempel, gesien staan het nie.
Maar, hy het als in plek gekry: hy het gesorg dat daar vrede in die land Israel is.
Hy moes vyande veg en onderwerp sodat Salomo in vrede die heiligdom kon bou.
Vir hierdie rede was daar te veel bloed aan Dawid se hande maar Salomo kon rustig regeer.
Dawid kry ook stene, hout, brons en goud gereed vir die bou van die Tempel.
Selfs die leiers en vakmanne was klaar opgelei en reg om te bou al in Dawid se tyd.

Here, dankie vir die nalatingskap van Dawid waarin Salomo net kon instap en floreer!
Dankie vir ñ pa se voorsiening en beplannig sowel as veg vir vrede sodat n volgende generasie dit makliker kan hê!
Here, help ons om ook so ñ nalatingskap agter te laat deur ons kinders te laat met meer vrede en baie meer wysheid en toerusting om U te dien as wat ons gehad het!
U is ñ Vredevolle Vader!