17 Junie 2023

Dagstuk
Levitikus 27
Vasdag 11
Hou by jou woord!
‘n Gelofte is ‘n belofte aan die Here!
Jy mag nie ’n belofte maak en dit nie hou nie! Die Here hou ons verantwoordelik vir ons geloftes.
Dit is dalk daarom dat Jesus ons aanraai om nie geloftes te maak nie!
“Verder het julle gehoor dat vir die voorouers gesê is, ‘Jy mag nie 'n eed verbreek nie, maar jy moet jou geloftes aan die Here nakom.’ Maar Ek sê vir julle: Julle moet hoegenaamd nie sweer nie – nie by die hemel nie, omdat dit die troon van God is; nie by die aarde nie, omdat dit die voetbank vir sy voete is; nie by Jerusalem nie, omdat dit die stad van die groot Koning is. Jy moet ook nie by jou eie kop sweer nie, want jy kan nie een van jou hare wit of swart maak nie. Laat die woord ‘ja’ by julle werklik ‘ja’ wees, en julle ‘nee’ ‘nee’. Meer as dit is uit die bose.”
Matteus 5:33-37 AFR20
“Bo alles, my broers, moenie sweer nie – nie by die hemel nie, en nie by die aarde nie – en moet ook geen ander eed aflê nie. Maar laat julle “ja” 'n “ja” wees, en julle “nee” 'n “nee”, sodat die oordeel julle nie tref nie.”
Jakobus 5:12 AFR20
Ons Afrikaner voorouers het nouwel n gelofte afgelê (al moes hulle nie) moet ons die 16de Desember steeds as ’n heilige dag eer en vir die Here ’n geestlike huis in Afrika bou soos ons beloof het!
Here, help ons om mense van Integriteit te wees wat ons woord hou.
Help ons ook om vir U ‘n “Huis” ‘n tuiste van U teenwoordigheid in Suid Afrika te bou!
U is Ja en Amen!