4 Junie 2023

Dagstuk
Esegiël 25

Ons mag ons nie verlekker in iemand anders se swaarkry of smart nie!
Dis wat die Ammoniete en die Moabiete gedoen het en daarom spreek die Here deur Esegiël n oordeel uit oor die nageslag van Lot en sy 2 dogters.

Die Edomiete, die afstammelinge van Esau, was altyd vyandig teenoor die Here se volk, Israel, en hulle word ook gewaarsku oor hulle oordeel wat oppad is.
So het die Filistyne wat oorspronklik van die eiland Kreta af op die kusvlakte van Israel kom vestig het, min of meer in Moses se tyd, ook wreed opgetree teen Israel oor baie jare en dus ook ń aankondiging van oordeel ontvang.

Hierdie 4 nasies bestaan nie meer vandag nie, maar in hulle plek woon die Palistyne, Jordaniërs en mense van Libanon. Die gees (demoniese mag) wat teen God se mense was heers steeds in die streek oor nuwe volke wat daar gevorm het.
Gen. 12:1-3 bly egter gister, vandag en more in plek: as ons Abraham se nageslag seën sal ons geseën wees maar as ons hulle vervloek sal dit gaan soos met die nasies- verloek!



Here help ons om te leer uit ander se foute en te seën dit wat U seën en nie in naywer of jaloesie ooit iets verkeerds te sê van U kinders nie. Ook wil ons huil saam met die wat huil en ons nie verlekker in ander se swaarkry nie!
U is die God van Nasies!