18 Mei 2023

Dagstuk
Handelinge 28

Na die skipbreuk was almal veilig aan land op die eiland Melite!
Lukas vertel ook van wonderwerke daar: ń slang wat Paulus pik en hy kom niks oor nie, genesings en sekerlik dan ook bekeerlinge!

Uiteindelik in Rome was Paulus toegelaat om sy eie huis te huur maar onder die toesig van ń Romeinse soldaat en hy was in kettings (seker voetboeie).
Hy het egter steeds bly vertel van Jesus: eers aan die Jode en toe aan almal wat wou luister in Rome vir die 2 jaar voor sy verhoor.

Here dankie dat elke dag en voor elke groep mense die regte geleentheid is om van U te getuig!
“Verkondig die Woord, hou tydig en ontydig aan, weerlê, bestraf, bemoedig in alle geduld en deur lering.”
‭‭2 Timoteus‬ ‭4‬:‭2‬ ‭AFR20‬‬

U is die Lof en Liefde op ons lippe!!