27 Maart 2023

Dagstuk
Esegiël 2
Esegiël het die visioen van die Troonkamer van die Here eers gesien en toe roep die Here hom as profeet tot sy eie mense: die rebelse Israeliete!
Dis meestal die moeilikste om vir jou eie mense te gaan waarsku en vir hulle te vermaan, om met vreemde mense te gaan praat oor hulle sonde is in ʼn sin makliker.
Dis moontlik dat die Here jou soos Esegiël roep vir jou eie mense onder wie jy woon, ja selfs jou familie, kollegas en vriende.
Die Here waarsku Esegiël om nie ook rebels te wees nie maar te gaan met die boodskap wat Hy hom gee, netso moet ek en jy aan Christus gehoorsaam wees as Sy mondstuk tot ons geliefdes om ons!
Here hier is ons tot U beskikking!
Gee ons asb die moed  en die liefde om te praat soos wat U deur ons praat!
U is die Alfa en die Omega: die Begin en die Einde!!