2 Maart 2023

Dagstuk
Hand. 2
Die Here stort Sy Heilige Gees uit oor die kerk soos wat Hy belowe het in Handelinge 1.
Die vervulling van Pinkster was ʼn herstel van Babel se verwarring en tale wat mense uitmekaar gedryf het.
Nou hoor mense die evangelie in hulle eie taal! Daar is bymekaar bring eerder as verstrooi, eenheid eerder as divisie en saam wees eerder as on-enigheid!
Nou is daar op elke individu ʼn vuurtong soos daar in Exodus op die volk  ʼn vuurkolom was!
Die Here se teenwoordigheid, Sy Heilige Gees was nou op aarde en bly steeds met ons.
Dis hierdie Heilige Gees wat die kerk laat groei het deur die eenvoud van bekering:
“Petrus antwoord hulle: “Bekeer julle, en laat elkeen van julle in die Naam van Jesus Christus tot vergewing van julle sondes gedoop word, en julle sal die Heilige Gees as gawe ontvang.”
Handelinge 2:38 AFR20
Here soos hierdie 1ste herlewing in die kerk in Jerusalem gebeur het, so bid ons vir ʼn bo-natuurlike byvoeging van bekeerdes by die Kerk vandag!
Mag ons U Gees beleef!
U is die Belofte!