12 Januarie 2023

Dagstuk

Prediker 5
“Moenie gou wees met jou mond en laat jou hart nie haastig wees om 'n woord voor God te uiter nie. Want God is in die hemel en jy is op die aarde; daarom moet jou woorde min wees.”
Prediker 5:1 AFR20
Dink voor jy praat en wees versigtig wat jy sê!
Ons monde kan ons baie keer in groot moeilikheid kry.
Die prediker waarsku ook oor die gejaag na  rykdom wat nutteloos is!
Dan moet jy die rykdom oppas en vermeerder tot geen verdere vreugde nie, sê die skrywer.
Maar ek en jy moet tevrede wees met wat die Here nou vir ons het, dus moet ons vergenoegd wees!
Here dankie dat U vir ons sorg en vir ons meer gee as wat ons voor kan bid en dink!
U gee vir ons genoeg!
Help ons om nie ander mense dop te hou en wat hulle het nie maar net ons oë op U te hou wat vir ons sorg!
U is Genoeg!