11 Januarie 2023

Dagstuk
Daniël 3
“Daar is nie ʼn ander god wat so kan red soos die God van Sadrag, Mesag en Abednego nie!”
- Nebukadneser
Na die koning se droom oor die beeld en Daniël se uitleg daarvan besluit Nebukadneser om ʼn goue beeld van homself te bou en mense hom te laat aanbid!
Die 3 jong Joodse vriende het egter besef hulle kan nie enige iets anders as God Almagtig aanbid nie. Dus buig hulle nie as die musiek speel nie.
Nebukadneser word woedend kwaad vir die Jode ( dis 12 jaar na die 1ste ballingskap van Jerusalem, maar die Israeliete het toe weer gerebelleer).
Die 3 word in ʼn vuuroond gegooi, maar Jesus (lyk soos ʼn gode-seun sê die koning) is by hulle!
Hulle ontmoet Jesus!!!
In die vuur!
Nebukadneser kan nie anders as om ook die Here te vereer nie, want nie eers hulle klere het na rook geruik nie!
Here dankie dat U ons self kom red soos hierdie jong manne!
Mag ons ook weet U sal red, maar al red U nie sal ons steeds U bly dien! (v. 17-18)
U is die 4de Een in die vuuroond!