8 Januarie 2023

Dagstuk
Prediker 4
Om alleen deur die lewe te gaan is hard en nutteloos sê die prediker, maar 2 is beter as een!!
“Twee is beter as een, omdat daar vir hulle 'n ruim beloning is vir hulle inspanning.”
Prediker 4:9
Hierdie geld veral vir die huwelik!
Om ʼn maat te hê wat saam met jou die lewe aandurf is ʼn geskenk van die Here!
“Ook as twee by mekaar lê, kry hulle warm; maar as daar net een is, hoe kan hy warm word? As iemand die een wil oorweldig – twee kan teen hom standhou. 'n Driedubbele koord word nie maklik gebreek nie.”
Prediker 4:11-12 AFR20
 As jy as span saamwerk in die huwelik en die Here deel maak van julle verhouding dan word julle ʼn onbreekbaar drie dubbele verhouding omdat die Here dan in julle huwelik deel vorm.
Mag dit ook so gaan in vriendskappe en alle verhoudings waarin jy staan.
Here dankie dat verhoudings vir U belangrik is en dat U deel daarvan wil uitmaak.
U is die  Middelpunt van elke verhouding!