23 Desember 2022

Dagstuk

1 Samuel 30
Dawid se “afdanking” deur die Filistyne (hfst. 29) maak dat hy terugkeer huis toe, na Siklag!
Maar as hy daar aankom is sy tuisdorp afgebrand deur die Amalekiete (die ouens wat Saul moes uitdelg) en almal se vrouens, kinders, vee en besittings weg!
Die tragedie kos amper Dawid se lewe, maar hy hoor by die Here en die Here sê dat dit nog nie te laat is nie: agtervolg die rowers en julle sal hulle oorwin!
Dawid wen nie net sy eie gesin en sy eie stad se goed terug nie, maar ook alles wat die Amalekiete geroof het van die Filistyne (onthou hulle mans is besig om gereed te maak vir ʼn groot oorlog teen Saul).
Dawid bedank sy weldoeners wat hom in sy vlugteling dae gehelp het, met dele van die buit wat hy 2 dae lank moes veg voor.
Ons weet nie hoeveel Amalekiete daar was nie, maar 400 het weggekom (vlugtelinge uit ʼn konflik is gewoonlik ʼn klein persentasie van die hele groep), onthou Dawid se manne was net 400 om mee te begin.
Die Here het die oorwinning gegee!!
Here dankie dat U ons help in ons benoudheid!
U veg vir ons!
U is ons Vegter!
U is ons Uitkoms!