17 Desember 2022

Dagstuk
1 Samuel 28
In die hele tyd wat Samuel geleef het kon die Filistyne nie vir Israel wen nie, maar nou het die profeet gesterf en boonop is Dawid, die gesalfde, aan die kant van die Filistyne!
Dit is hoekom Saul vreesbevange was en hy vastend na ʼn heks, ʼn waarsêer, gegaan het om die gees van Samuel uit die doderyk op te roep.
Sy kon net eintlik met demone kommunikeer soos elkeen wat tot vandag nog geeste oproep.
Sy het egter iets beleef wat nie sy of enige ander bose medium al reg gekry het nie: ʼn ware gees van ʼn lewende het verskyn.
Om een of ander rede het die Here toegelaat dat Samuel se gees uit die doderyk kon kom en kon bevestig wat hy al reeds, toe hy gelewe het, vir Saul gesê het:
Hy gaan sterf (die volgende dag) en sy koningskap aan Dawid verloor.
(Hierdie doderyk sal die Here Jesus gaan leeg maak na Sy kruisiging en al die Ou Testament gelowiges na die hemel neem)
Dit is hoekom die heks ook skrik.
Sy gee die koning kos en hy is met die beesvleis en brood in sy maag dood!
Here dankie dat U met ons praat dmv U Heilige Gees en dat ons dus kan weet om U in Waarheid en in Gees te kan aanbid!
U is die God van die lewendes en die dooies!