5 Desember 2022

Dagstuk
1 Samuel 24
Saul gaan ʼn grot in om “sy voete te bedek”, m.a.w. hy het ʼn nood gehad en wou nie voor sy manskappe in die son dit doen nie, daarom gaan hy in die koelte van ʼn grot in en is daar besig terwyl Dawid toevallig in dieselfde grot vir Saul wegkruip!
Sy manskappe het dit as ʼn geleentheid van oorwinning gesien.
Dawid vermoor egter nie die koning nie, maar sny net ʼn soom van sy kleed af as ʼn bewys dat hy hom eintlik kon doodmaak as hy sou wou.
As Dawid dan vir Saul hier in die grot konfronteer is die koning gevul met vrees en ontsag en huil hy oor sy sonde.
Uit die hele les leer ons Dawid se integriteit van : moenie die gesalfde van die Here leed aandoen nie!
Here help ons om U gesalfdes ten alle tye te respekteer!
U is die Gesalfde!