4 Desember 2022

Dagstuk
Spreuke 24
Om hard te werk is wys!
Dit bring voorspoed mee in alles wat jy doen en laat dus jou projekte slaag:
“Deur wysheid word 'n huis gebou, en deur verstandigheid word dit gevestig.”
Spreuke 24:3 AFR20
Die Here wil nie hê dat ons moet lui wees nie:
“'n Bietjie slaap, 'n bietjie insluimer, 'n bietjie hande vou om te rus; dan kom, soos 'n rondloper, jou armoede daar aan, jou gebrek soos 'n skaamtelose man.”
Spreuke 24:33-34 AFR20
Hierdie is nie ʼn vloek nie maar ʼn lewens-beginsel (soos ʼn natuurwet) amper soos swaartekrag.
As jy daarteen gaan sal jy seerkry: dis nie die Here se skuld nie.
Here help ons om die beginsels wat in plek gestel is soos swaartekrag en elke geestelike beginsel of reël, raak te sien en dit tot ons voordeel gebruik en nie tot ons nadeel te ignoreer nie.
U is die Onderhouer van die heelal!