30 November 2022

Dagstuk

Sagaria 2
Die Here het ʼn besonderse plan met Jerusalem die stad en daarmee saam Sy volk die Israeliete en nou ook die kerk wat nou deel uitmaak van Sy volk en vir wie Jerusalem ook kosbaar behoort te wees!

In Sagaria se dae na die ballingskap van Juda was die stad nie so indrukwekkend soos in Salomo tot Hiskia se tye nie, maar die Here beloof hier nie net ʼn herstel van die stad se heerlikheid nie maar selfs groter as dit:
“en vir hom sê:
 “…Jerusalem sal soos 'n stad sonder mure wees omdat so baie mense en diere daar woon. Ek self sal 'n muur van vuur rondom Jerusalem wees, en Ek sal heerlikheid in hulle midde wees.’ Dit is die uitspraak van die Here.””
Sagaria 2:4-5 AFR20
Vandag woon BAIE mense daar en die Jode se verdediging stelsel van missiele beskerm die stad op ʼn interessante manier, maar ek dink die skrif praat van ʼn era wat nog gaan kom.
In die duisend jaar vrederyk gaan Jesus self in Jerusalem woon en regeer van daar af.
Sagaria se profesieë gaan baie oor hierdie wonderlike era wat nog vir ons voorlê!
Here dankie dat U by U woord hou en as U mense en ʼn stad vir U gekies het bly dit vir ewig U sn.!
Dit gee ons ʼn veilige gevoel, want ons behoort aan U!
Die Heerser oor Jerusalem, U regeer!