25 Oktober 2022

Dagstuk
Hebreërs 8
Die Here het met ons ʼn Nuwe verbond gesny!!
Die Ou verbond is verby, die Ou Testament met die priesters in ʼn tempel was net ʼn skaduwee van Jesus wat sou kom!
En:
“Hulle dien in ’n heiligdom wat maar net ’n kopie, ’n flou skadubeeld van die ware, hemelse heiligdom is. Want toe Moses aan die regmaak was om die tabernakel op te rig, het God aan hom die opdrag gegee: “Sorg dat jy alles maak volgens die voorbeeld wat Ek vir jou op die berg gewys het.””
HEBREËRS 8:5 NLV
 
Die ware Tempel is die Troonkamer van God, waar Jesus nou vir ons as die ware Hoëpriester, voorspraak maak!!
Here dankie vir die Tabernakel, tempel en die Ou Testament wat ons iets van U volle liefde en iets van U Troonkamer teenwoordigheid vir ons leer.
Dankie dat U nou dmv verhouding U nuwe verbond op ons harte skryf en dis nie meer wette nie maar ʼn liefdesbrief!
U is ons Middelaar!