12 Oktober 2022

Dagstuk
1 Samuel 6
 
Die Filistyne het hulle priesters en waarsêers gevra hoe hulle die ark moet terugstuur na Israel!
Met hulle antwoord het hulle probeer om steeds die ark by hulle te hou!
Benewens goue offers van elkeen van die 5 stede in Filistia wou die heidense priesters die wa waarop die ark was deur 2 koeie laat sleep wat pas gekalf het, met die kalwers nog op hok!
Daar is net 1 plek waar so ʼn moeder koei sou heen en dis terug na haar kalf.
Maar deur die Here gelei het die 2 koeie bulkend weg van hulle kalwe af gestap na Israel toe.
By Bet-Semes het die mense met vreugde ge-offer en die Ark op ʼn klip gesit.
Maar 70 nuuskieriges sonder respek is dood.
Here dankie dat U in beheer is van natuur soos met hierdie twee arme koeie!
U heers en U teenwoordigheid is iets om te respekteer en te eer!

U is die Een wat praat met wie U ook al opreg vra!