23 Augustus 2022

Dagstuk
Johannes 8
Op die Olyfberg wat uitkyk op die Tempel kompleks, bring die Fariseërs ʼn vrou wat owerspel gepleeg het na Jesus toe! (Hulle bring nie die man nie?)
Jesus sê egter net sondeloses kan die steniging doen, dan buk Hy af en skryf in die grond.
Ons weet nie wat Hy skryf nie (genade) maar dit moet die Fariseërs wat daar is om die vrou te stenig en Jesus uit te vang, herinner aan hulle sonde!
Dalk was dit vroue, waarmee hulle owerspel gepleeg het, se name of een of ander plek of ding wat hulle laat besef het hulle is nie sonder sonde nie! Almal loop! Net Jesus sonder sonde bly agter!
Rom. 8:1
Sê dat daar dus nou geen veroordeling is vir die wat in Christus Jesus is nie!!!
Hy wat Genade is veroordeel haar nie, en ook nie vir ons nie!
Daarom is Hy die Lig van die Loofhuttefees se fees van ligte in die Tempel!
Hy neem die duisternis weg en gee ons Lewe en Lig!
Die Fariseërs het hierdie nie verstaan nie omdat hulle God nie geken het nie al het hulle vir Hom gewerk!!
Here ons Lig dankie dat U nie die duisternis in ons kom veroordeel nie, U kom dit net verlig!
U is die Lig!