10 August 2022

Dagstuk
Eksodus 25

Die Here begin om die Tabernakel se meubels aan Moses te verduidelik, maar intussen werk die Here in die nou nomadiese Israeliete se harte, om van die duur geskenke wat hulle Egiptiese meesters vir hulle gegee het, na die Here te bring vir Sy Tabernakel!
Sy Tent van ontmoeting waar Hy Sy teenwoordigheid aan Sy volk sou wys!

Moses begin met die Ark van die verbond, wat in die Allerheiligste die Here se Shikinah heerlikheid sou dra op die versoendeksel!
Dit is so ñ duidelike uitbeelding van Jesus ons vesoening wat aan ons God openbaar!
Netso simboliseer die sewe stuk Kandelaar van goud die Heilige Gees, wat deur Sy salwing (olie) ons lewens verlig!
Die Menorah (kandelaar) het die tafel van toonbrode verlig, want in die lig van die Heilige Gees “eet” ons die Brood van die Lewe!
Net deur die Here se Gees verstaan ons die Woord, en vang ons wat Sy genade bloed beteken!

Here, dankie vir die simboliese in die Tabernakel!
Dankie dat dit die heletyd na Jesus wys!!
U is die Teenwoordigheid by en in ons!