20 Junie 2022

Dagstuk
Lukas 19

Jesus kies om Saggeus te ontmoet en vry te spreek, omdat daar in die kort, skelm man ʼn soeke na die Here was.
Dan maak Jesus dit baie duidelik in ‘n gelykenis, dat Hy ons verantwoordelik gaan hou van ons rentmeesterskap en keuses op aarde.
Daarna ry Jesus op ʼn donkie as Koning in Jerusalem in (dis ʼn teken van ʼn genadige koning wat goed vir ‘n stad bedoel, en nie wil straf nie).
Jerusalem sou Hom egter binne ʼn week verwerp, en daarom huil Hy oor die toekoms (40 jaar verwerp) van die stad.
Hy profeteer die hartseer beleg en val van Jerusalem in 70nC.
Hy maak ook die tempel skoon om weereens aan te kondig dat Sy huis ʼn plek van gebed is vir alle nasies!!

Here, mag ons soos Saggeus, U soek met ons hele hart!
Mag ons rentmeesters wees van U goeie nuus en dit aan alle nasies gaan vertel.
U is ons Triomferende en genadige Koning!
U het gekom op ʼn donkie, maar U gaan weer kom op ʼn wit perd in oorwinning!