17 Junie 2022

Dagstuk

Eksodus 7

Die Here wys vir Moses en indirek ook aan Aäron sy hele plan van hoe hulle met Farao gaan praat, voordat hulle dit doen.

Dan, met hulle 1ste gesprek, verander Aäron se stok in ‘n slang, en al kry die Egiptiese towenaars dit ook reg, met die krag van satan, eet Aäron se staf-slang hulle s’n op!

Daarna volg die eerste van die 10 plae.
Moses en Aaron raak met die staf die Nyl aan en al die water in Egipte verander in bloed vir ‘n hele week lank! Maar Farao bly hardkoppig omdat sy towenaars dit ook kan doen.

Here, help ons om te kan onderskei waneer dit U is wat werk en wanneer dit die duiwel is wat U krag probeer na-aap!
Ons soek U krag alleen in ons lewens!
U is ons Stok en ons Staf.