22 Mei 2022

Dagstuk
Lukas 9

Om Jesus so te volg soos die dissipels dit daagliks gedoen het moes voorwaar ‘n ontsaglike ervaring gewees het!
Dit was uitdagend as hulle moes bedien, inspirerend as hulle Hom verheerlik sien en hoor hoe Vader Hom bevestig!
Dit moes ook kultureel anders wees om deur die Samaritaanse gebied te reis, vreesaanjaend as Hy van lyding begin praat…
Ek dink dit was emosioneel en geestelik, dalk selfs fisies, geweldig op en af om Jesus so te volg!
Is dit anders vir jou en my?

Here, ons wil U met dieselfde entoesiasme en toewyding volg as wat U dissipels dit gedoen het!
Leer ons daagliks om U stem te hoor en U stap vir stap te gehoorsaam!
Dis die mees vervullende en terselfde tyd “scary-ste” taak om U volgeling te wees!!
U is my Here!
Ek sal U volg!