10 Maart 2022

Dagstuk
Jesaja 40

In die lig van Jerusalem se beleg en die val van die Assiriërs en Sanherib, hulle koning, troos Jesaja se profetiese woord die in Israel deur te verduidelik wie die God is wat hulle beskerm het.
Hy is die Een wat die oseane in Sy hand hou en die hemel afgemeet het…

In lig van die Here se Almag word ‘n verslae Jerusalem getroos, deur hulle fokus op die Herder te sit wat sou kom.
Daarom:
“Maar dié wat hulle hoop op die Here stel, sal hulle krag terugkry. Hulle vlieg hoog, soos arende. Hulle sal hardloop en nie moeg word nie. Hulle sal loop en nooit vermoeid word nie.”
‭‭JESAJA‬ ‭40:31‬ ‭

Here, ons hoop en vertroue is in U!
Dankie dat U ons nuwe krag gee om weer te hardloop en vorentoe te gaan!
U is die Heilige Een!