24 Februarie 2022

Dagstuk
2 Kor. 9

“Wat ek bedoel, is dat God sal sorg dat al die goeie dinge wat julle doen ’n reuse oes oplewer. So sal julle en ander mense selfs nog meer van die Here se goedheid in julle lewe beleef. God sal sorg dat julle altyd meer as genoeg het om van te leef. Hy maak julle ryk genoeg om altyd vrygewig te wees. Daarom sal julle geldelike bydraes, wat ons binnekort na die gelowiges in Jerusalem neem, tot gevolg hê dat daar sommer baie dankgebede na God toe opgestuur word.”
‭‭2 Korintiërs‬ ‭9:11‬ ‭DB‬‬

Hierdie vers som die hoofstuk op:
Paulus se aanmoediging van die hele Agaje streek om finansieel by te dra tot die behoeftige kerk in Jerusalem, word bevestig met ‘n belofte dat die Here dié sal seën wat gee, want hulle is dan kanale van Sy goedheid!
 
Here, mag U geloof en geprys word deur ons getroue gee van ons tiendes aan die plaaslike kerk waar ons “kos” kry, maar ook ekstra offers wat ons bring deur ander te help wat behoefte het!
U voorsien deur ons!
U is ons Bron, die Een wat alles besit en ons gebruik om te gee.