17 Augustus 2021

Dagstuk
Matteus 22

Jesus verduidelik dat Hy ons nooi na Sy bruilofsmaal!
Baie is genooi, maar net sekeres sal daar wees.
Die Joodse volk was die genooides wat Hom verwerp het en ons is die ekstra gaste van die straathoeke af.

Die Sadduseërs wat Hom wou uitvang oor die hiernamaals en die Fariseërs wat oor geld en die Messias twyfel gehad het, word deur Jesus reggewys en Hy maak hulle heeltemal stil in hul argumente met Hom.

Op die ou einde sê die Here gaan dit oor:
“Jy moet die Here jou God liefhê met jou hele hart en met jou hele siel en met jou hele verstand.’”
‭‭MATTEUS‬ ‭22:37‬ ‭NLV‬‬

En natuurlik die 2de wat hiermee gelyk is, is die liefde vir jou naaste!

Dankie Here dat U in die laaste week voor U kruisiging die moeite gedoen het om valsheid te weerlê, wat vandag nog vir ons duidelikheid bring!
Dankie dat U liefde en waarheid geleef het!
U is Waarheid!