23 Julie 2021

Dagstuk
Genesis 14

Abram se verhouding met sy broerskind, Lot, is vir hom só belangrik, dat hy met net 318 manne die weermagte van 5 konings aanval. Net soos Gideon, een van sy nasate, behaal hy ‘n slim oorwinning, ten spyte van sy kleiner mag.

Met sy terugkeer huistoe met die oorlogsbuit, ontmoet hy die interessante karakter Melgisedek!
Hierdie Koning van Salem (later IR - stad, Salem - vrede = Jerusalem) was volgens die  NT ‘n Koning sonder voorouers of nasate (dit was ‘n voorverskynsel van Jesus), aan wie Abram, as eerbetoon, sy 10de gegee het.
Melgi - koning, sedek - geregtigheid, is ook ‘n leidraad dat hierdie Jesus was, want Jesus was die Koning van geregtigheid, wie ook ‘n Priester was.
Konings en priesters was 2 ampte wat nooit gemeng het nie, behalwe in Christus (en toe Hy Melgisedek was), en nou in ons.

Here, dankie dat U ons ‘n koninklike priesterdom noem!
Daarom wil ons, soos Abram, ons 10de, ons 10% van ons inkomste, vir U kom gee, want U is die Een wat ons seën, soos wat U, Melgisedek, vir Abram geseën het!
U is die Koning van Geregtigheid en die Koning van Salem (Vrede)!