21 Nov 2026

Matteus 9:14-26

As Johannes die doper se dissipels by Jesus oor hulle vas roetine uitvra, vra hulle ook eintlik uit oor hulle godsdienstige ritiuele, maar Jesus sê Hy as Bruidegom het alles kom verander.
Om op die Ou Testamentiese manier te dink en te aanbid sal wees soos om n nuwe lap op n ou kledingstuk vas te werk of om nuwe wyn in ou leersakke te gooi.
Jesus sê nie ons moenie meer vas nie, inteendeel die tyd is nou hier wat die Bruidegom weg gevat is van ons so nou moet ons weer gereeld vas, maar Jesus sê wel dat alles wat genesing en toegang tot Vader God gebring het, het nou verander.
Dalk is die twee volgende genesings n tipologie daarvan.
Jesus is oppad om n Joodse leier se kind te genees, maar oppad soontoe onderbreek n desperate onrein vrou Hom vir genesing.
Netsoos Jesus eintlik gekom het om verlossing vir die Jode te bring het die onrein heiden nasies (ons) toe na Hom gegryp vir hulp.
Hy Red ons en gaan steeds die “dogters” van die Jode red as Hy hulle aan die hand gaan vat en uit hulle geestelike dood gaan oprig!

Here dankie dat ons aan U kan raak vir genesing!
U is die Verlosser!