31 Maart 2026

Esegiël 4:1-17

As 'n teken van wat met Jerusalem gaan gebeur speel Esegiël die hele strategiese plan van die Here uit vir die volk as 'n waarskuwing. Vir 390 dae beeld hy die oordeel van die 10 noordelike stamme uit en vir 40 dae die sonde van die 2 Juda stamme wat jare voorstel (1 dag vir elke jaar moet hy op sy linkersy lê langs die uitbeeling van hoe Jerusalem gaan swaarkry. Esegiël neem hier die volk se sonde op hom soos n sondebok, n voorbeeld van Jesus. Saam met die verdrukking word ook rantsoene van kos uitgebeeld met die beperking om dit gaar te maak op beesmis.
Omdat die Jode dink die Here beskerm hulle in Jerusalem as gevolg van Sy teenwoordigheid in die tempel, draai hulle nie weg van hulle sonde nie.

Here, ons kies vandag om nie te dink ons is gevrywaar van die gevolge van ons sonde wanneer ons godsdienstige aksies uitvoer nie. Ons kies om Jesus die Enigste Verlosser te maak van ons sonde, en om Hom met ons hele hart en siel lief te hê en te volg.

U is ons Verlosser.