22 Maart 2026

Esegiël 1:1-28

Esegiël in Hebreeus beteken 'God sal versterk'. Esegiël was 'n jong priester wat saam met sy mense in gevangeniskap gehou was in Babilonie. Hierdie boek is 'n profetiese boek aan Jerusalem. Die boek Esegiël se karakter word in n verklaring beskryf as 'Die Handelinge van die Heilige Gees'. In 'n baie duidelike visioen openbaar die Heilige Gees aan Esegiël, die troonkamer van God, en sien hy in n gedetaileerde visioen hoe die Here kom soos in 'n stormwind. 4 Lewende wesens beweeg om die troon van die Here en roep uit 'Heilig, Heilig, Heilig is die Here' soos ons sien in Jes 6.  Hy beskryf die briljante, skitterende lig van God se heerlikheid. Die gesig was so oorweldigend dat hy neergeval het in eerbied teenoor die Here.

Here, Esegiël moes U op so unieke, kragtige wyse geopenbaar gesien het in 'n tyd toe hulle ballingskap vir hulle baie uitdagend moes gewees het. Dankie dat U ook aan ons U heerlikheid en almag deur die Heilige Gees kom openbaar in tye van uitdagings in ons eie lewens.

Heilig, Heilig, Heilig is die Here God Almagtig.
U is die God wat versterk