26 Julie 2026

Esegiël 40:1-49

14 jaar nadat die Tempel totaal en al vernietig was deur Nebukadnesar wys die Here vir Esegiël wat n priester was in n visioen weer die Tempel.
Die detail waarmee die Engel die oos, noord en suid-poorte meet is dalk sodat Israel wat 70 jaar later sou terugkeer kon weet hoe die afmetings op die Tempelberg moet lyk.

Vir ons en vir Israel in ballingskap beteken dit: die Here is steeds in beheer!
Hy het nie opgegee op Jerusalem, Israel en op ons nie.
Dit moes die ballinge in Babilonië geweldig baie hoop gegee het om te weet die Here het steeds n plan en wys hulle al die toekomstige Tempel.

Here U bly in beheer maak nie saak hoe donker ons huidige omstandighede is nie!
U sien die toekoms en wil ons met die hoop en afwagting van volkome hesrstel saam met U laat uitsien!
U is die Een wat alles Volbring!