9 Julie 2026

Romeine 10:1-21

“Want as jy met jou mond bely dat Jesus die Here is, en jy glo met jou hart dat God Hom uit die dood opgewek het, sal jy verlos word.”
‭‭Romeine‬ ‭10‬:‭9‬ ‭AFR20‬‬

Hierdie is die kriteria vir redding!
Of jy n heiden of n gebore Jood is: jy moet nogsteeds in jou hart in Jesus se opstanding glo en Hom ook met jou eie mond as jou eie Koning bely!!

Paulus besef sy volksgenote sukkel om by die punt uit te kom en sê baie duidelik hier dat al is hulle die Here se volk wat Sy beloftes op aarde beleef kan hulle die ewige redding mis as hulle nie in Jesus glo en Hom volg nie.

Ons kom nie op ons eie manier of deur die wet reg met die Here nie. Ons het Sy verlossing nodig om reg, of geregtig te wees.
Paulus begin deur sy begeerte uit te spreek dat al die Jode tot redding sal kom en eindig in v. 21 dat die Here met uitgestrekte arms elke Jood nooi om Hom te kom dien.

Here mag elke Jood U waarlik begin dien soos wat U dit wil deur Jesus en nie soos hulle dit wil deur die wet nie.
U is ons Verlosser!