17 Mei 2026

2 Konings 6:1-23

Elisa bid vir n jong man se geleende byl wat in die water geval het.
Met n profetiese aksie van n stuk hout in die water in doen die Here n wonderwerk en laat die yster byl dryf.
Daarna maak die Here ook een van Elisa se jong profete se geestelike oë oop sodat hy die hemelse weermag kon sien wat groter was as die Aramese mag wat daar was om Elisa te vang.
Elisa het sy profetiese gawe gebruik om Israel teen Aram te beskerm en hy was dus soos n spioen, want die Here het hom die Aramese koning se planne gewys.
Elisa het toe gevra dat die Arameërs blind word en hy lei toe die vyand in Samaria in waar sy eie koning die sterker mag kon vang.
Die Here wys egter hier wat Godvresende mense met krygsgevangenes moet doen.
Hulle vermoor hulle nie maar gee hulle iets te ete en stuur hulle terug!
So bewerk die Here vir n tyd vrede tussen Aram en Israel.

Here mag ons sien dat:
“Moenie bang wees nie, want hulle wat by ons is, is meer as dié wat by hulle is.””
‭‭2 Konings‬ ‭6‬:‭16‬ ‭AFR20‬‬
U is die Here van die Leërskare (die weermag van engele!)