17 Nov 2025

Johannes 13:18-38

Judas Iskariot en Jesus het albei geweet van die veraad wat voorgelê het en dat die dissipel Hom aan die Sanhedrin sou uitlewer.
Die ander dissipels het dit egter nie verstaan of agter gekom nie, seker omdat Jesus nounet Judas Iskariot se voete gewas het en vir hom brood en sous gegee het.
Judas se veraad was egter demonies.

Verder voorspel Jesus ook Petrus se verloëning van Hom die volgende dag. Dit nadat Petrus  nie sy voete gewas wou hê nie: uit respek.
En nadat Petrus weereens sy lojaliteit aan Jesus verklaar.
Jesus ken egter hulle almal se harte en weet dat almal uit vrees die volgende dag Hom sou verlaat.
Daarom bemoedig Hy hulle vir wanneer alles, die kruisiging, verby is dat hulle sal onthou dat hulle mekaar het!

“As julle mekaar liefhet, sal almal daaraan sien dat julle my dissipels is.””
‭‭JOHANNES‬ ‭13‬:‭35‬ ‭NLV‬‬

Here ek dink altyd aan die dissipels by daardie ete en by Gethsemane... wat sou ek gedoen het waar sou ek gewees het? Here dankie dat U genadig is met elkeen van ons wat ook sou weghardloop en wegkruip! Help ons staan vir U!?
U is ons Rots!